إنتَ العيد ….
بقلم : علي السراي
إنتَ العيد عونك تظل بس إنته
يافخر العراق بشيعته وسنته
*
يا خيمة وطن ومغطي كل الناس
فيّك يا علي الكل يگعد بسده
*
يا غيرة شعب ومرادم العدوان
يا سيف الكلافة الما صِدَه بغِمده
*
يشاجور السواتر يوم صار زماط
بيك الحشد هلهل ساعة الشده
*
يحسين العراق وغيرة العباس
بچفوفك حميت عراقنا وصنته
*
مگضيهة الكلافة وجدك الكرار
نگلّبهه گلاب وخيبر نردهه
*
حشدك ذو الفقار مكاون وي الموت
من طَبّ عل دواعش يوم كلّفته
*
بس آمر يليث حيُود كله وياك
سالم والعراق بزودك إيصدهه
*
ياعيد العراق وتاج فوگ الراس
تبقى العيد إنته واحلى عيد إنته
تبقى العيد إنته واحلى عيد إنته
…….
عيدكم مبارك وكل عام وأمة الإنتظار و الحشد و قائدها وجماهيرها والجبهة العالمية لمحور المقاومة وكل الاحرار والمنصفين في العالم بالف خير وصمود ونصر وسلام
عيدكم مبارك سيدي يا سيد العراق ومنقذه إمامنا وحادي ركبنا أيها المفدى السيستاني العظيم أدام الله ظلكم المبارك علينا وعلى جميع المسلمين …