الشااعر كريم تويج النجفي. السلام عليك ياسيدي ومولاي يا ابا الفضل العباس
مانسه التاريخ اصحاب الضمير سجل الاسماء وفعال وكتب
حروف اسمه مطرزه بين الرجال حاز بالعز والشرف اعله الرتب
ونعرف بين العرب بحسن خصال ولاعله التاريخ بالزور انحسب
من تعد رجال اصحاب العلوم مستحيل يكون اسمه منشطب
طالع التاريخ وقراه بضمير يااسم معروف نساب العرب
بالعرب نساب باسماء الرجال شرف التاريخ في علم وادب
ونكتب عنه بظلم كله افتراء كال للظالم صفه بنفس الدرب
لا ولا كلمن كتب عنه يقال صاحب الافكار في فكره عجب
من اجل حفنت دراهم بيهه باع كل ضميره ودينه من اجل الكسب
لكن الواجب علينه احنه نكول اظلمه الكتّاب في حقه انسلب
هذا ابو مسلم سفير ابن الرسول هذا ابن اشرف نسب امّا واب
هذا ابن سيد قريش بلا جدال حروف اسمه مطرزه بمي الذهب
من نسل هاشم علم اسمه عقيل آل طالب والنعم منهل يصب
من اجل هذا اجه ليه اعتناه حيدره ومنه طلب هذا الطلب
راد منه يشوف وحده من الكرام انجبتهه افحول معروفة نسب
من قبائل ينظرب بيهه المثال دين وخلاق وشجاعه من الصلب
بيهه ابو حسين الفحل عنده حساب احساب عنده وغايته وبيهه سبب
كال للكرار من اسرة حزام والاسم معروف معروف اللقب
من قبائل بالعرب تدعه كلاب والشجاعه والكرم بيه انظرب
راح ابو مسلم كصد هوه اعتنه وعتنه بسمه العلي والغايته
من وصل ليهم عقيل وبس دخل كامت الطياب كلهه وحييته
معتني اخطب مره منكم ردت الحيدر الكرار هذي طلبته
كام ابن خالد وكف كله بسرور ياعظم هذا الشرف وبطيبته
هذا ابن عم النبي مني يريد حاضر انه وماملكته بخدمته
ولتقى النورين في درب اليقين فاطمه نور الوفه هالرسمته
بنور نورك ياعلي ويم البنين واثمر النورين اجمل درته
نور عباس الكمر هالليله لاح ونولد نبراس باول خطوته
هذا مولود البطل رمز النضال هذا ابو فاضل يشع في طلعته
هذا شمعه النورة درب الوفاء هذا نور النور نور بهيبته
هذا بحر الجود ينبوع العطاء هذا شيال العلم كل عرفته
هذا ابن اللي قلع باب الظلام هذا ابن اللي تزكه بسجدته
هذا حماي الظعن ظعن الحسين هذا ركب احسين سار بذمته
هذا دين الله العله بارض الطفوف هذا سيف الدين صار ورايته
هذا سبع الكنطره مكطع الركاب هذا عباس البطل في قبضته
هذا سقاء العطش وكت الصعاب هذا درع وماي صار الخيمته
هذا جفه اللي رمه ماي الزلال ولا شرب منه ورواها الجبدته
كال كبل احسين اشرب لامحال هذا دينه اللي يمنعه وغيرته
هذا للعالم ظرب اعظم مثا ل وصار منهاج الوفه في خوته